Tebessüm, handeler, sevdâ… Temâyül, nazreler, perrân,
Enîn ü girye-i firkat… Sitemler, âhlar lerzân,
Bütün bir şi’r-i aşkın mevc-i rengârengi, envârı
Olur her gamzeden, her nazreden, her lerzeden rîzân.
Urulmuş şimdi bir kuş; çırpınır bir acz-i rikkatle;
Birazdan mültefit âzâde-gam bir mübtesim sayyâd
Ölür mûsîki-i aşkın o sihr-i cân-rubâsiyle.
Safâlar, şevkler şimdi, birazdan giryeler, feryâd
Muvakkar, muhteriz… Bir nağme, bir feryâd-ı mûsikî
Sarar efkârı; birden pîş-i enzâr-ı muhabbette,
Ebedlerden, ezellerden, açar bir ufk-ı pür-hande
Muhayyel bir seher… Bir fecr-i hülyâdâr-ı nûrânî.
Haziran 1, Bakirköy 1901
(Musavver Terakki, 31.10.1901)
Darağacı Sanat 