Gel ey mihr-i hayâlim, ey benim âmâc-ı hayâlim
Evet, ey yâr-ı nâzânım
Perestîdem, enîsem, dil-berim, ey şûh-ı handânım,
Bak etrâf u havaliye:
Ufuklar mübtesim; hülyâ-yı subhun şûhî-i nazı
Uçar her berg-i hazrâdan;
Çiçekler hep târî, kuşlar münevver, lahn-ı dil-sâzı
Bekâret, ebr-i sevdâdan
Yağar hep sanki altun, sanki zümrüd, sanki hülyâdır!
Cihân mahmûrdur, her yer harîm-i aşk u sevdâdır: ·
Bütün handan,
Bütün hayrân!
Semalar reng-i firûzuyla pür şevk ü mu’allâdır…
Gel ey mihr-i hayâlim, ey benim âmâc-ı hayâlim
Evet ey yâr-ı nâzânım
Perestîdem, enisem, dil-berim, ey şûh-ı handânım,
Benim ey şi’r-i elhânım
Gel ey yârim o hüsn-i hande-zâd-ı bî-hemâlinle…
(Musavver Terakki, 23.01.1902)
Darağacı Sanat 