KADIN NEDİR, ÇİÇEK NEDİR?
Kadın nedir?.. O münevver menekşedir ki uçar,
Samîm-i hüsn-i bahârında hande-i âfâk;
Çiçek nedir?.. O da bir aşk-ı mübtesimdir ki
Şemîm-i rûh-ı behîminde bir kadınlık var!..
Çiçek meâl-i ebedden terekküb etmiş ise,
Kadın hayâl-i ezelden temessül etmiştir.
Bu; mâh u mihre mutâbık birer teşâbühtür;
O, rûh-ı rikkate âit, bu kalbe âit ise…
Kadın, semâ; o da bir nuhbe-i tesellidir,
Kadın, çiçek, o da bir hande-i nihânîdir;
Bu iki rûh-ı nefîsin meâli sevdâdır!..
Bu can-rübâ, bu iki zehre, böyle hem-dil iken,
Sezâ mıdır ki demek aşka sen çiçeksin sen,
Sezâ mıdır ki demek her şeye kadınlıktır?..
18 Eylül 1901
(Mecmua-yı Edebiye, 07.11.1901)
Darağacı Sanat 