Bunlar!..
Zalâm-ı leyle-i hicrin bütün o evhâmı
Garîk-ı hüzn ediyorken, zemini, eşyayı
Kamer de peyker-i handânını edip izhâr
Arza karşı ederken tebessümün îsâr
Dilimde âteş-i firkat, gözümde eşk-i revân
Dehende nâle-i şîven garîb ü girye-künân
Seni gözüm o zaman yâd eder de ağlarım âh
Anar da inlerim ey gıbta-ı melâik vâh
Bahâr!.. O devr-i saadet, o fasl-ı şevk u sürûr
Cihâna bahş ediyorken safâ-yı şevk u hubûr
Şükûfte güllerin âgûş-ı ıtr-dârında
Lebin lebimde, saçın târmâr sînemde
Eder iken güzelim hasbıhâl u arz-ı merâm
Tefekkür eyliyorum şimdi nâle-sâz müdâm
Muhabbetinle geçen hep o ömr-i memnunu
Gelip de görmelisin şimdi sen bu mahzunu!..
Gelip de görmelisin sen evet, bu nâlânı
Bu ömrden müteneffir bu zâr u giryânı
Gözümde kalmadı asla sirişkten katre
Bu firkatinle gözüm sen beni helâk ettin,
Beni elemle bıraktın uzaklara gittin
Bu imtihân-ı azâbın yeter a cânânım!..
Bana o çehreni göster bana a dildârım!..
(İrtika, 21.06.1901)
Darağacı Sanat 