-O gülen gözlere –
Pür-hande leyâlin -bütün âvâre ve berrak, –
Seyyale-i eshârı nigâhından uçarken;
Sen, ey güzelim, rûhumu rûhunla öperken,
Rûhumdan uçar rûhuna bir bûse-i müştak!
Rûhumdan uçar rûhuna meshûf u girizân
Bir hande-i masûmesi bir tıfl-ı garâmın;
Bir tıfl-ı garâmın, ki olur şi’r-i nigâhın,
Her lâhzada üstünde emelbâr u nigehbân !
Ey her emelim, her elemim, hiss ü hayâlim,
Oldukça senin öylece aşkınla müheyyic;
Kalbimde söner giryelerim, renc ü melâlim …
Her lâhnimi bir bâse-i gülreng ü münevver,
Bir sîne-i sevdâ ile âfâka fısıldar
Yazdıkça senin aşk-ı nezihinle müheyyic !
ahmet haşim
Darağacı Sanat 