Güzeller Seyrine Varalım, Bayram Bugün!.. – Bâkî

Lâleler bezm-i çemende câm-ı işret gösterür
Devletinde husrev-i gül ayşa ruhsat gösterür

Mevsim-i gül ıyd ile yâr u musâhib düşdiler
Birbirine iki dilberdir mahabbet gösterür

Iyd-gehde varalum dolâba dilber seyrine
Görelüm âyine-i devrân ne suret gösterür

Kaddüne kul olmağa gelmiş dizilmiş karşuna
Servler turmuş çemen sahnında kâmet gösterür

Aşıkı bî-sabr u ârâm eyleyüp seyyâh ider
Memleket seyr ettirir aşkurı velâyet gösterür

Bîsütun-ı gamda Bâkî seng-i mihnet kesmede
Şöyle üstâd oldu kim Ferhâd’a san’at gösterür