Sâhâyif-i Hayatımdan – Tevfik Fikret

Bunu şi’rim de söylüyor belki Ben hakîkattan ihtirâz ederim; Âsümân füshat-i kebûduyla, Deniz emvâc-ı pür-sürûduyla, Gece esrâr-ı bî-hudûduyla Beni terhîb eder; o füshattan Sıkılır sanki rûh-ı pür-hazerim; Sanki her dalga bir lisânla bana Haykırır nâ-şinîde bir ma’nâ, Sanki leylin zılâl-ı hamûşu Canlanır pîş-i irtiâabımda… Ne mükedder mizâc-ı ahvel ki En mülevven dem-i şebâbımda Görerek boş hayât-ı pür-cûşu Beni gâfıl yaşattı hilkatten, Tuttu âvâre her sa’âdetten