Açıl bâğın gül ü nesrîni ol ruhsârı görsünler
Salın serv ü sanevber şîve-i reftârı görsünler
Kapunda hâsıl itdi bu devâsuz derdi hep gönlüm
Ne derde mübtelâ oldı dil-i bîmârı görsünler
Açıldı dâğlar sînemde çâk itdüm girîbânum
Mahabbet gülşeninde açılan gül-nârı görsünler
Ten-i zârumda pehlum üstühânı sayılur bir bir
Beni seyr itmeyen ahbâb musîkârı görsünler
Güzeller mihribân olmaz dimek yanlışdur iy Bâkî
Olur Vallahî Billâhi heman yalvarı görsünler
Darağacı Sanat 