Gazel  – Nedim

Ey kaşı yâ yüzün beri dönmez misin dahı
Ey gurre-i ümîd görünmez misin dahı

Billâh ne saht âteş imişsin gönül meğer
Gark oldun eşk-i hûna söyünmez misin dahı

Kanı o geceler o tarablar terâneler
Ey def anıp o zevki döğünmez misin dahı

Kâfir kızı tükenmedi mi mâtem-i peder
Sâgar çekip kızılca sürünmez misin dahı

Dilberle mâcerânı yeter sakladın Nedîm
Nakl eyleyip biraz da öğünmez misin dahı