Fatma Sultan Çeşmesi Kitabesi – Şakir

Hazret-i Sultân Ahmed Hân-ı sâlis kim anın
Âb-ı ‘adlidir iden bâğ-ı cihânı tâb-nâk

Hakdan ayrılmaz o yektâ zıll-ı Rabbü’l-‘âlemin
Sâye sâhib-sâyeden kılmaz kabûl-ı infikâk

Kurretü’l-‘aynı cenâb-ı Fâtıma Sultân k’odur
Ol hıdîv-i evvelin satr-i kitâb-ı nesl-i pâk

Ol semiyy-i Hazret-i Zehrâ-yı Sıddıka-hisâl
Ser-i vâlidden sa’âdetle olunca feyz-nâk

Bu mu’allâ çeşme-sâr-ı pâki ihyâ eyledi
Olmuş iken teşne-lebler kıllet-i mâdan helâk

Bâdi-i hayrât olan Sultân Zehrâ hasleti
İtmesin ‘ömründe Mevlâ pür-melâl ü gussa-nâk

Şâkirâ gördükde itmâmın didim târîhini
Fâtıma Sultan yapdı çeşme-i pür-nûr-ı pâk