Mersiye-i Hodgâmâne – Cenap Şahabettin

Sen mezarın içinde rahatda
Yâr u yâver sana bütün ‘âlem
Ben ise tengnâ-yı mihnetde
Yâr u yâversiz aglarım her dem

Senin ismin lisân-ı rahmetde
Sana bir kalb-i sermedî mahrem
Bana lâkin bu dâr-ı kasvetde
Yâr olan bir netîcesiz mâtem!

Ne lebimde dûâya kudret var,
Ne teselliye meyl ü niyyet var,
Benim eyvâh! rûh-ı zârımda!

Bana bir cây-ı tesliyet olmaz;
Kimse şâyân-ı merhamet bulmaz
Beni bu rûşenâ mezârımda!