Bir Saniye Mesud – Cenap Şahabettin

Bir miss ile bir gün sâhilde dururken
gördük ikimiz bir pür zemzeme rü’yâ;
Ol dem ki dökerdi bir lahn-ı mutarrâ
Her nefhâ semâdan her mevce denizden!

Hayrette idi miss hayrette idim ben;
Tâbân idi sâhil, mevvâc idi deryâ;
Her sûda olurdu, her sûda hüveydâ
Bir levhâ-i zinde, bir levhâ-i rûşen!

Hayrette idi miss hayrette idim ben:
Âheng-i telâtum, âheng-i tabiat
Eylerde bizi hep rü’yalara davet!..

Kumlar üzerinde, sâhilde dururken
Gördük, uyanık, bir rü’yâ-yı zer-endûd;
Bir saniye olduk, bir saniye mes’ud!