Şehenşâh-ı ‘âlî-neseb hâkân-ı pür mecd ü haseb – Nedim

Şehenşâh-ı ‘âlî-neseb hâkân-ı pür mecd ü haseb
Sultân Ahmed Hân ki hep ‘âlem derinden müstefîd

Olmuşdu çokdan Üsküdar leb-teşnelikle bî-karâr
Ol şeh bulup bir cûy-bâr yapdı ana râh-ı medîd

Şâhenşeh-i cûd-i rızâ ol sudan itdikde ‘atâ
Bu çeşmeyi kıldı binâ şehzâdesi Abdülhamîd

Ol dâver-i gâzî lakab evlâd ü erkâniyle hep
Dâ’im sürüp şevk ü tarab ikbâli olsun pür-mezîd

Kilk-i Nedîm-i pür-hüner târîhini bu resmeder
Bu çeşme-i vâlâ-peder Şehzâde-i Abdülhamîd 1141 (1728-29)