Zihni zâtun nihân u ol nihândan mâsivâ peydâ – Fuzuli

Zihī ẕātuñ nihān u ol nihāndan māsivā peydā
Biḥār-ı ṣun uña emvāc peydā ḳa r nā-peydā

Bülend ü pest-i ālem şāhid-i feyż-i vücūduñdur
Degül bī-hūde olmaḳ yoḫ iken arż u semā peydā

Kemāl-i ḥikmetüñ iẓhār-ı ḳudret ḳılmaġa ėtmiş
Ġubār-ı tīreden āyīne-yi gītī-nümā peydā

Dem-ā-dem aks alur mir’āt-ı ālem ḳahr u luṭfuñdan
Anuñ-çün geh küdūret ẓāhir eyler geh ṣafā peyda

Gehī topraġa eyler ḥikmetüñ biñ meh-liḳā pinhān
Gehī ṣun uñ ḳılur topraḳdan biñ meh-liḳā peydā

Cihān ehline tā esrār-ı ilmüñ ḳalmaya maḫfī8
Ḳılupdur ḥikmetüñ küffār içinde enbiyā peydā

Niẟār-ı şefḳatüñdür kim olur iẓhār-ı ḥamdüñ-çün
Fużūlī tīre ṭab ından kelām-ı cān-fezā peydā