Sad-pâre edüp sînemi nezzârelerin hep
Her lâhzada bir tâzelenür yârelerin hep
Hurşîd gibi dâğın edüp şu’le-ver-i şevk
Dünyâyı döner aşk ile âvârelerin hep
Zahm-ı elemin çâre-res-i derd-i derûndur
Cân içre tutar tîrini bî-çârelerin hep
Gör reşha-i müjgânımı ey verd-i tecellî
Hûn-âb akıdır hecr ile fevvârelerin hep
Nâmık gam-ı aşk ile değil girye-i hûnîn
Gözden dökülür hâke ciger-pârelerin hep
Darağacı Sanat 